Hugleiðingar

Lánar ESB Íslandi?

Held að það væri réttara að spyrja, þurfum við á frekari láni að halda?

Fyrir endurskoðun á áætlun IMF höfum við Íslendingar þurf að láta undan kúgunum annara þjóða, við höfum þurft að taka á okkur skuldir sem við erum ekki 100% viss um að við þurfum að greiða þegar allt kemur til alls, skrifað hefur verið undan samninga sem að afsala okkur einnig öllum rétt fyrir dómstólum til að komast að endanlegri niðurstöðu (reyndar leyfir nýtt ákvæði í samningunum okkur að fara með málið fyrir dómstóla en viðsemjendur okkar verða ekki bundnir af niðurstöðunni)

Við höfum þurft að hækka verð á ýmsri ónauðsynja og nauðsynjavöru sem hefur orsakað það að verðbólgan hefur aukist og verðtryggð lán þarafleiðandi hækkað.

Við höfum hunsað tillögur af skuldalækkunum, skuldaleiðréttingu, og við höfum hækkað skatta.

Miðað við 90% endurheimtur af eignum Landsbankans sem mér þykir svo sem ekki líklegt hlutfall miðað við hvernig gengið hefur verið í útlán hjá öðrum bönkum, (leyfi ég mér að trúa því að Landsbankinn hafi ekki verið með meiri vara á) er skuldin til Breta og Hollendinga  272 miljarðar af núvirði sbr. Icesave reikni á mbl.is, það eru 858671kr á hvern Íslending.

Við getum svosem vel tekið frekari lán, við getum tekið lán frá IMF, ESB, USA, GBP, NO, SWE, DK, NL og fyrst við erum að því yfirhöfuð hvað með að spyrja Kína, Suður afríku, Ukraínu, Suður Kóreu, já jafnvel líka ef allt fer í hart Norður Kóreu eða Zimbave.

En kemur ekki líka að því að við þurfum að greiða lánin til baka?

Væri ekki betra að fara að vinna í því að finna leið útúr vandræðunum, finna leið til að fólkið í landinu geti lifað almennilega án þess að hafa áhyggjur af því hvort það eigi fyrir afborgunum af húsnæðinu sínu um mánaðarmótin, eða hvort það geti fætt fjölskyldurnar sínar, leið til að koma okkur lengra áfram því hingað til hefur lítið verið gert af "Norrænu velferðarstjórninni" annað en að kyssa óæðri endann á öðrum ríkjum.

Myndi ekki efast um það af margar af hetjum þessa lands frá pólitík fyrri ára myndu snúa sér í gröfinni ef þau sæu það sem væri að gerast.

En hvað getum við gert?

Jú við gætum leiðrétt gjaldeyrislán Íslendinga með því að bjóða fólki uppá að breyta lánunum í    Íslensk lán miðað við gengi 1. Jan 2008.

Við gætum lækkað verðtryggð lán miðað við þróun verðbólgu síðasliðið ár frá sama tímabili.

Við gætum sagt Bretum og Hollendingum að við komum ekki til að greiða Icesave skuldirnar nema við fáum fulla lagalega vissu um að okkur beri að greiða þessi lán.

Við gætum stofnað styrktarsjóð sem styrkir nýsköpun í landinu.

Við gætum boðið skattaffslátt fyrir hátæknifyrirtæki og aðra orkuminni stóriðju sem kjósa að koma hingað til lands.

Við gætum lækkað eða afnumið innfluttningstolla af rafmagns, vetnis eða metanfarartækjum, jafnvel boðið fyrirtækjum að nýta kaup á þessum tækjum til skattfrádráttar.

Við gætum boðið sambærilegann afslátt af orkuverði fyrir stórkaupendur og álver og önnur stóriðja fá.

Við gætum kynnt málstað okkar betur erlendis en hefur verið gert.

Við gætum sett af stað nefnd til að fara algerlega yfir rekstur stofnanna ríkisins og fundið út hvar hægt væri að spara án þess að það komi til skerðingar á þjónustu.

Við getum og við munum komast útúr þessu, það er bara spurning um hversu lengi við verðum að því og hversu margir þurfi að þjást fyrir það.

	Lánar ESB Íslandi?
Ábyrgðarmaður færslu Tilkynna um óviðeigandi tengingu við frétt